صرخة ام الشهيد

الدمع بيجرى فى عينيه

من صرخة شهيد فى ايديه

دمه بيسيل حوليه

صحى الضمير اللى فيه

يصرخ ويقول الف اه

وانا ببكى بدمعى وراه

مليون شهيد بيموت معاه

يارتنى كنت انا وياه

احسن لى اقابل وجه كريم

وجه يكون عليه رحيم

ادعى واقول ربى الحليم

ابعد عنى عدو بهيم

ابعد عنى ظالم انانى

حطم كل ايام زمانى

ضيع منى كل الامانى

خلانى انسى حتى عنوانى

الجيش العربى شكله راح

بعد الم وعذاب وجراح

وانا بصراحه بقول ده ارتاح

وعاش فى دنيا فيها براح

ام الشهيد تصرخ وتقول

لامتى العذاب والالم هيطول

لامتى هندور على المسئول

اللى هيبعد عنا البغول

الجيش العربى فين

نايم فى فلسطين

ولا لسه فى حطين

ولا مات من الصليبين

بنادى لكل عربى

بنادى بوجع بقلبى

ليه دايما واقف سلبى

فرحان بلعبة باربى

راح زمن الفرح

بلعبة طفل اتجرح

قلب العدو اتشرح

مش هيفدنا السرح

بجد ومش هزار

السكوت للانهيار

اضرب فى عدو غدار

احسن مايقولوا ده حمار

لامتى هنفضل ساكتين

لاهانة شعب ودين

عايزين نكون متعاونين

ونقضى بايدينا على الخاينين

متقولش الحلم ده مستحيل

ممكن يكون بس طويل

خد مثل سيدنا الخليل

بنى الكعبه بشكل جميل

وده طبعا فى وقت كبير

كان معاه ابنه الصغير

اسماعيل بزيه الحرير

وقف معاه وقفه بضمير

الضمير اللى مات فينا

وندر الشهيد اللى علينا

بتاره دايما مخلينا

واقفين بذهول على رجلينا

انا طولت كتير عليكوا

بس انا عايز افتح عينيكوا

على ملايين يتموت حوليكوا

ولازم فعلا تمولها ايديكوا